Siglir tar il cuntegn
Inhalt

WEF Berset appellescha a solidaritad

Il Forum economic mundial è uffizialmain avert. En ses pled d'avertura ha il president da la Confederaziun appellà a dapli solidaritad in cun l'auter. Mo uschia saja pussaivel da schliar ils numerus problems dal mund.

Il fundatur dal Forum mundial d'economia Klaus Schwab, il primminister da l'India Narendra Modi ed il president da la confederaziun Alain Berset, durant. l'avertura dal WEF.
Legenda: Il fundatur dal Forum mundial d'economia Klaus Schwab, il primminister da l'India Narendra Modi ed il president da la confederaziun Alain Berset, a chaschun da l'avertura dal WEF. Keystone

Il president da la Confederaziun Alain Berset ha uffizialmain avert il 48avel Forum mundial d’economia a Tavau. En ses pled ha Berset suttastritgà quant impurtant che la collavuraziun internaziunala saja. Quai sco reacziun sin ils foss politics ed economics che sajan s’averts ils ultims onns. I dovria in equiliber tranter la politica e l’economia sco er tranter concurrenza ed il socialesser.

En in mund dividì stuain nus stgaffir in futur cuminaivel.
Autur: Alain BersetPresident da la Confederaziun

Il president da la Confederaziun ha tegnì ses pled en preschientscha dal primminister da l’India Narendra Modi. Il WEF cuzza anc fin venderdi.

RR actualitad 12:00