Siglir tar il cuntegn

Header

Navigaziun

cuntegn

WEF In corpore a l'avertura dal WEF a Tavau

L'entira regenza grischuna vegn ad esser represchentada a l'avertura dal Forum mundial d'economia WEF a Tavau la fin da schaner. Uschia èsi vegnì communitgà a l'inscunter mensil cun la medias.

Fotografia da la regenza actuala
Legenda: La regenza grischuna per il 2019. gr.ch

Da la partida è uschia er il nov cusseglier guvernativ da la PS, Peter Peyer, ch'ha sez demonstrà cunter l'inscunter dals gronds da la politica ed economia mundiala. Ensemen cun l'ulteriur nov en uffizi, Marcus Caduff da la PCD, furma el la cumissiun da la regenza per il WEF. Surtut per Peter Peyer, ch'è responsabel per la segirtad al WEF a Tavau, è l'inscunter internaziunala ina sfida, perquai ch'el n'ha betg gì bler temp da sa preparar.

Legenda: Guardar il video Regenza grischuna – reglas ed usits. Durada 02:23 minutas.
Or da Telesguard dals 08.01.2019.

Ultra da quai vegnia era ina maioritad da la regenza a prender part al «Personality Dinner», la tscheina da gala dal Cussegl Federal, uschia ha infurmà Jon Domenic Parolini.

Il WEF cumenza ils 22 da schaner e dura fin ils 25 da schaner. Tranter auter vegn era il president american Donald Trump ad esser da la partida.

RR novitads 14:00