Siglir tar il cuntegn

Header

Navigaziun

cuntegn

WEF Juso dastga demonstrar al WEF

La Juso po organisar sia demonstraziun planisada durant il WEF a Tavau. La suprastanza da la vischnanca da Tavau, ensemen cun la giunta dal WEF, la regenza grischuna e la polizia chantunala, ha approvà la dumonda dal december passà. Nagut pleda cunter ina demonstraziun paschaivla.

Polizia davos banner Tavau.
Legenda: La lubientscha è vegnida dada cun la resalva, che tar ina midada da segirtad u situaziuns extraordinarias cundiziunà da la natira la lubientscha sto vegnir examinada aunc ina giada. Keystone

La dumonda da demonstrar da la Juso è vegnida approvada cun differentas cundiziuns e resalvas. Quai communitgescha la vischnanca. Tranter auter la moda e maniera da demonstrar, servetsch d'urden sco era il material d'infurmaziun davart la demonstraziun. Nagut pledia cunter ina demonstraziun paschaivla, quai che la Juso haja formulà cler e bain sco finamira.

La libertad da l'opiniun è impurtanta

A la suprastanza communala da Tavau, èsi tenor il landama da Tavau, Tarzisius Caviezel, immediat stà clera ch'ins dettia la lubientscha per la demonstraziun. è Ad in eveniment sco il WEF saja impurtant che la libertad da demonstrar e da dir l'agen maini sa era vegnir vivida.

La demonstraziun vegn ad avair lieu ils 24 da schaner 2019 tranter las 15:00 e las 18:00 sin l'arela da la chasa communala a Tavau.

RR novitads 11:00