Siglir tar il cuntegn

Header

Navigaziun

cuntegn

WEF Maurer e Bolsonaro s'inscuntran al WEF

Tema principal tranter il president da la Confederaziun ed il president brasilian è stada la cunvegna da commerzi liber.

Dus politichers.
Legenda: Jair Bolsonaro ed Ueli Maurer al WEF 2019. Keystone

Il president da la Confederaziun Ueli Maurer è s’inscuntrà cun il president brasilian Jair Bolsonaro al WEF a Tavau. Tema da l’inscunter saja stà la cunvegna da commerzi liber cun il martgà communabel da l’America dal Sid, l’uschenumnà Mercosur. Tar quel tutgan dasper la Brasilia anc l’Argentina, il Paraguay e l’Uruguay. Plinavant hajan els discurrì davart l’access al martgà en il sectur da finanzas.

Dasper Ueli Maurer è er la ministra da defensiun Viola Amherd stada a Tavau. A l'ur dal Forum mundial d'economia haja ella visità l'armada per l'emprima giada e discurrì cun schuldads al lieu. Quai rapporta l'agentura da novitads Keystone-SDA.

RR novitads 21:00