Siglir tar il cuntegn
Inhalt

WEF Merkel vegn tuttina al WEF

La chanceliera da la Germania Angela Merkel vegn uss tuttina al Forum mundial d'economia a Tavau. Ella na vegnia dentant betg a s'inscuntrar cun Trump, cunquai ch'els na sajan betg ils medems dis a Tavau. Quai ha communitgà in pledader da la regenza tudestga.

Portrait da Merkel.
Legenda: Angela Merkel vegn ad esser preschenta al WEF. Keystone

Merkel vegnia be ad esser la mesemna a Tavau. Quel di vegnan er il president franzos Emmanuel Macron, il primminister talian Paolo Gentiloni, il president brasilian Michel Temer ed il retg da la Spagna Felipe ad esser a Tavau. Donald Trump arriva il pli baud la gievgia e discurra il venderdi.

Schebain Merkel s'inscuntra cun Berset u auters commembers dal Cussegl federal, na saja anc betg cler. Tenor il pledader dal Cussegl federal vegnian il mument planisads tals discurs. Pir l'autra emna vegnia decidì definitivamain. Plinavant dettia a Tavau savens inscunters fitg spontans.

RR novitads 14:00