Siglir tar il cuntegn
Inhalt

WEF Trump è arrivà a Tavau

Gievgia avantmezdi a las 10:20 è il president american Donald Trump sa tschentà a Turitg. Curt suenter è el sa mess a viadi vers Tavau. Uss è el arrivà.

  • President Donald Trump è arrivà gievgia damaun a las 10:20 Turitg.
  • Donald Trump è partì cun il «Marine One» da Turitg gnanc 30 minutas suenter arrivar a Turitg.
  • A las 11:24 è l'emprim helicopter sa platgà a Tavau. Donald Trump è vegnì cun il davos dals 7 helicopters ed è sa platgà a las 11:27 sin la segunda plazza d'atterrar.
  • Donald Trump è sortì dal helicopter a las 11:32. Trump è entrà en in auto ed il convoi è a las 11:37 sa mess da viadi en direcziun hotel.
  • Il president american è arrivà en l'Hotel Intercontinental.

Enturn mezdi è il president american arrivà en ses hotel. El ha betg ditg temp per sa revegnir dal viadi: Il suentermezdi il spetga l’emprim in inscunter persunal cun la primministra britannica Theresa May e suenter cun il primminister israelian Benjamin Netanjahu. En omadus discurs duai ir sur da las crisas internaziunalas, sco en la Corea dal Nord e l’Iran, ma era per il cumbat cunter il terrorissem internaziunal, communitgeschan represchentants da la regenza americana.

Pir damaun vegnia lura Trump a sa preschentar publicamain al WEF e tegnair il pled final da l'inscunter. Avant vegn el era anc a s’inscuntrar cun il president da la Confederaziun Alain Berset.

Legende: Video Trump è arrivà a Tavau abspielen. Laufzeit 00:56 Minuten.
Or da Telesguard dals 25.01.2018.

Curt avant sia partenza aveva Trump communitgà via Twitter:

Legende: Video Co far in selfie cun Trump abspielen. Laufzeit 02:24 Minuten.
Or da Battaporta dals 19.01.2018.

RR novitads 10:00