Siglir tar il cuntegn
Inhalt

WEF Trump e Berset d'accord: «Approfundar las relaziuns»

Ad in inscunter a l'ur dal Forum d'economia mundial a Tavau han il president american Donald Trump ed il president da la Confederaziun Alain Berset discutà las relaziuns dals dus stadis, e l'avegnir.

berset e trump che tanschan il maun
Legenda: Il president american Donald Trump ed il president da la Confederaziun Alain Berset tar l'inscunter a l'ur dal WEF 2018. SRF

Il president da la Confederaziun Alain Berset ha inscuntrà il president american Donald Trump a l'ur dal Forum mundial d'economia a Tavau. Sur Twitter ha Berset suttastritgà la discussiun excellenta cun il president american. E lez ha manegià che la Svizra profiteschia fermamain dal schlantsch economic en ils Stadis Unids.

Omaduas vart han punctuà da vulair approfundar vinavant las relaziuns stretgas tranter la Svizra ed ils Stadis Unids da l'America. Tranter auter era per schliar communablamain problems globals, ha ditg Alain Berset suenter l'inscunter.

A l'inscunter cun Trump è Alain Berset stà accumpagnà dal minister dals affars exteriurs Ignazio Cassis e dal minister d'economia Johann Schneider-Ammann.


RR novitads 14:00