Siglir tar il cuntegn

World Skills Ella è la meglra: Aur per Irina Tuor ad Abu Dhabi

La medaglia dad aur dad Irina Tuor è ina dad 11 medaglias d'aur che curuneschan il success da la squadra svizra als World Skills. En tut han ils 38 Svizzers gudagnà 11 medaglias d'aur, 6 d'argient e 3 da bronz. Naginas medaglias n'hai dà per ils dus ulteriurs grischuns, Riet Bulfoni e Silvio Tönz.

Legende: Video Ultim di - emoziuns, larmas e medaglias abspielen. Laufzeit 3:39 Minuten.
Or da Telesguard dals 20.10.2017.

Ils World Skills ad Abu Dhabi fineschan per la squadra svizra cun in success fulminant: Cun las 11 medaglias d'aur, 6 d'argient e 3 da bronz vegnan las Svizras ed ils Svizzers surpassads en la rangaziun da naziuns da la China cun 30 e la Korea cun 24 medaglias. Per questa rangaziun vala il total da medaglias.

Irina Tuor fa aur sco spezialista per la sanadad

Ina dad 11 medaglias d'aur va en il Grischun: Irina Tuor da Breil survegn la medaglia d'aur per sias prestaziuns sco spezialista per la sanadad (FaGe). Il mecatronist Riet Bulfoni da Scuol è vegnì otgavel ed ha survegnì in diplom dals World Skills. Malgrà ch'el era bain dischillusiunà ha el gì plaschair per ses cumpogns dal team svizzer.

Els dus eran ensemen cun il polimecanist Silvio Tönz da Val la delegaziun da las emprendistas ed ils emprendists grischuns en la squadra svizra.

Sco en il Sport: Sa qualifitgar per rivar tar ils World Skills

Ils World Skills èn ils campiunadis mundials da las professiuns. Sco tar campiunadis da sport datti er tar quels da las professiuns ina qualificaziun. Be ils megliers emprendists svizzers han la schanza da sa qualifitgar per la delegaziun svizra e da sa mesirar cun emprendists d'auters pajais.

RR novitads 20:00++