La sessiun extra muros dal Cussegl grond ha definitivamain lieu il 2023 a Claustra. Quai han decis deputadas e deputads en la sessiun d'avrigl.
Candidà avevan sper la vischnanca Claustra er la vischnanca Val Son Pieder e la regiun Moesa. La Conferenza da presidentas e dals presidents dal Cussegl grond aveva decis d'examinar pli detagliadamain la candidatura da Claustra e proponì al parlament da sa decider per questa.
Pledoyer per Val
Questa schelta ha dentant era provocà critica: Causa corona hajan pliras sessiuns gia gì lieu a Tavau e perquai na saja betg fair da puspè resguardar questa regiun. En la votaziun èn la finala 70 persunas s’exprimidas per Claustra – 31 persunas han dà lur vusch a Val Son Pieder. La vischnanca aveva medemamain candidà per la sessiun extra muros, sco era la regiun Moesa.
Ina sessiun ordinaria a Cuira custa en media 170’000 francs. Per la sessiun a Claustra vegn calculà 150’000 francs dapli.
Igl è tradiziun ch'il Cussegl grond banduna mintga legislatura ina giada la chapitala da Cuira e tegn ina sessiun extra muros.
