Chor dal gimnasi Mustér cun Haydn e Rütti

Avant duas emnas ha il Chor dal gimnasi da la scola claustrala da Mustér concertà a Turitg/Wollishofen. Quai è stà il terz e davos concert da la turnea 2018 – ed era il concert da cumià dal dirigent Clau Scherrer. Suenter 8 onns banduna el quest chor da giuvenils. Sut sia batgetta han ils solists vocals: Sybille Diethelm, Barbara Schingnitz, Martin Mairinger, Clemens Kölblk, l'orchester Desertina ed ils 120 scolars e scolaras dal gimnasi dà la Missa Sancti Nicolai da Joseph Haydn e dal cumponist svizzer Carl Rütti (*1949) la cantata Miu Segner, miu Diu. RTR ha registrà il concert dals 18 da mars 2018 a Turitg. L'Artg musical porta quel en furma integrala.