Siglir tar il cuntegn

Header

audio
Mesiras da segirtad duain proteger bajetgs da privels natirals. (maletg simbolic)
Keystone
laschar ir. Durada: 2 minutas 6 Secundas.
cuntegn

Pajaments GVG per mesiras da protecziun

Mesiras per proteger bajetgs da privels natirals sco lavinas u bovas èn custus. Per ch'ins na desistia dentant tuttina betg sustegna l'assicuranza da bajetgs tals projects finanzialmain.

25% dals custs surpiglia l'assicuranza d'edifizis grischuna sch'ins investescha en mesiras da segirtad per privels natirals. Quai dentant mo sche l'edifizi è en la zona da privel blaua u melna nua ch'i regia in pitschen privel. EN il Grischun èn 32'000 bajetgs en quellas zonas.


In sustegn finanzial datti pero mo sch'il project protegia er effectiv da bovas e lavinas e sch'ils custs per la mesira da protecziun èn pli bass ch'ils donns ch'ina lavina u ina bova pudessan chaschunar. Plinavant po l'indriz er betg impedir auters bajetgs e sto esser almain 10 onns vigl. Quai ord il motiv ch'ils possessurs avessan uschiglio gia pudì pensar pli baud vid mesiras da segirtad.

Differentas pussaivladads

Mesiras da segirtad datti differentas. Uschia datti per exempel cugns che svian vias e lavinas. In'autra pussaivladad è in indriz che fa passar lavinas e bovas sur il bajetg via. Er indrizs spezials tar las paraids u las fanestras pon protegr ils bajetgs.

Dapli da «Co e cum»

Scrollar a sanestra Scrollar a dretga