Siglir tar il cuntegn

Header

audio
Bleras persunas pateschan dal malesser durant viagiar.
Colourbox
laschar ir. Durada: 3 minutas 10 Secundas.
cuntegn

Tge far cunter avair schlet sin viadi

Turbulenzas en l'aviun, in bastiment che va si ed engiu u l'auto che prenda ina curva suenter l'autra. Per intginas persunas è quai scenari nunditg malempernaivel, numnadamain per quellas persunas che survegnan schlet.

Sco emprim vali da prevegnir al schlet, vul dir da sa posiziunar endretg en il vehichel da viadi. Per exempel seser davant e da guardar grad ora. Tenor Yves Brand, schefmedi da la sparta da culiez, nas ed ureglia dal Ospital chantunal dal Grischun a Cuira, è quai fitg impurtant. Quai haja da far cun l'organ da l'equiliber, quel registrescha sche nus sa manain cun il chau u era sche nus sa muventain adina pli spert.

Era medicaments gidan

Il survegnir schlet è en sa sez be ina reacziun da la gnerva che resulta da quai caos d'infurmaziuns en il tscharvè. Sche tut alternativ gida nagut, lura datti anc medicaments. Era qua datti pliras pussaivladads. Survegnir davent dal tut la reacziun dal malesser è strusch pussaivel. Malsegir per il corp n'è quai dentant betg. Igl è atgnamain ina reacziun tut normala ed en quai senn schizunt sauna.

Dapli da «Co e cum»

Scrollar a sanestra Scrollar a dretga