Sch'ins chatta insatge, san ins dar giu quai a la citad. Ed ins vegn perfin remunerà: 10% da la valita da l'object retschaivan ins. Quel ch'ha pers la chaussa ha lura temp in onn per ir per la chaussa sin il post da polizia.
Dentant sto el vegnir si per ils custs administrativs cun pajar ina pitschna taxa a la citad e sto surpigliar questa summa da remuneraziun per il chattader.
Tge capita dentant schi nagin s'annunzia?
La persuna ch'ha chattà l'object ha suenter 90 dis la pussaivladad d'acquistar l'object. Dentant è el lura mo il possessur e betg il propietari: vul dir el ha nagin dretg da vender enavant l'object. E ch'el sto render l'object al possessur schi quel s'annunzia. Quai durant tschintg onns. Suenter daventa la persuna ch'ha chattà l'object tar il possessur.
Schi ni la persuna ch'ha pers, ni la persuna ch'ha chattà l'object s'annunzian, lura surdat la polizia da la citad l'object ad instituziuns caritativas.
