Ina auditura vuleva savair dapli da la schlattaina da ses consort che sa numna Albrecht. Quest num da famiglia che exista era sco prenum tuna ordvart tudestg ed el è propi vegnì importà da la Germania. L'origin è Athal che signifitgescha «Adel» e renviescha a persunas noblas. Dapi il 12avel tschientaner datti las furmas dublas Adalbert u Adelheid che daventan pli tard Albert u Albrecht e Heidi. Tar nus exista quella schlattaina dapi il 15avel secul a Maiavilla ed en Tumleastga, ed era en Surselva èn ils Albrechts burgais da Trun dapi l'onn 1653 e fin oz derasads en varsaquantas vischnancas.
Redacziun: Chasper Pult
