Sant Ambrös

Avant dus dis ha la citad da Milaun festivà ses sontg Ambrös sco ch'el vegn numnà en il dialect milanais. Quai è adina era l'avertura da la stagiun da l'opera da la Scala, cun pretschs exorbitants fin 3'000 euros la plazza! Tgi sa tge ch'il politicher ed advocat Ambrosius avess pensà da quai, cura ch'el è vegnì elegì uvestg, cunter sia voluntad. El è stà in doctur da la baselgia excepziunal. Era en il Grischun ha el laschà ses fastizs, p.ex. Sontg Ambrosi a Siat u Sant Ambriesch a Casti. San tut quels da Cuira che van cun ils skis si Brambrüesch che quest num signifitgescha nagut auter che la prada dad in tschert Ambriesch?