Schorsch

In auditur, Roland Regensburger, oriund da la Val Müstair m'ha quintà che sia schlatta era vegnida da l'Engiadin'Ota. I sa tracta da la famiglia Schorsch da S-chanf. A Spleia enconuschan forsa intgins la chasa patriziana Schorsch sisum il vitg. Ma quella famiglia era impurtanta il 18avel tschientaner ed a S-chanf èn effectivamain documentads ils Schorschs gia dapi lonn 1527. Il num è ina da bleras variantas da Georgius, sco ils Jörgs, Jörgers, Jöhris e Gierets e gia il Munt sogn Gieri mussa l'impurtanza da quest num en Grischun. L'auditur pensava che la schlatta da ses basat fiss morta ora, quai che n'è betg dal tut il cas. Ma era schlattainas èn en privel da svanir.