Siglir tar il cuntegn

Audioteca: La cifra

cuntegn

La cifra

La cifra

Di per di arrivan plunas da cifras tar nus. La cifra da l'emna, p.ex. ina cifra ord ina statistica grischuna, è il punct da partenza per in'istorgia. En la rubrica «Savevas Vus...?» vegnan las...

Di per di arrivan plunas da cifras tar nus. La cifra da l'emna, p.ex. ina cifra ord ina statistica grischuna, è il punct da partenza per in'istorgia. En la rubrica «Savevas Vus...?» vegnan las audituras ed ils auditurs a savair fatgs pauc enconuschents.

Savida Tips e trics

Tut las episodas

100 onns francs svizzer en il Principadi da Liechtenstein

Durada 2 minutas 51 Secundas , dals 11.04.2024

Oz, ils 11 d'avrigl 2024, avant 100 onns ha il Principadi da Liechtenstein surprendì noss franc svizzer. Avant pajavan els cun la curuna austriaca. Pervia da la stretga colliaziun economica cun l'Austria han els patì fitg suenter l'emprima guerra mundiala uschia ch'els èn sa drizzads vers la Svizra.

2 dis da 22 enfin 32

Durada 6 minutas 6 Secundas , dals 04.04.2024

«Voll giuven», uschia sa numna il program da RTR durant dus dis. Venderdi e sonda, ils 5 e 6 d'avrigl dirigia la generaziun giuvna ils pli differents vecturs da RTR. La squadra giuvna sa cumpona da 22 collavuraturas e collavuraturs tranter 22 e 32 onns.

718'750 dollars

Durada 5 minutas 42 Secundas , dals 28.03.2024

Igl è stà la scena da pel giaglina en il blockbuster «Titanic» da l'onn 1997. La scena da la tavla da lain, cura che la figura principala Rose DeWitt giascha sin la tavla, e ses ami Jack Dawson mora dal fraid en l'aua. La tavla è uss vegnida ingiantada per 718'750 dollars.

13 milliuns bancnotas

Durada 6 minutas 18 Secundas , dals 21.03.2024

La Banca naziunala svizra ha stuvì prender enavos 13 milliuns bancnotas da 1000 francs. In record en ils davos decennis. Enstagl d'avair raps en bursa preferescha la populaziun svizra adina pli savens ils pajaments cun cartas, Twint e codes da QR. Svanescha l'acceptanza per daners bar cun il temp?

565'000 francs daners da premi

Durada 3 minutas 45 Secundas , dals 14.03.2024

Lara Gut-Behrami n'è betg da frenar questa stagiun. Gia 16 giadas è ella stada sin podest, otg cursas ha ella gudagnà. Ed uschia ha ella era fatg cassa.

Passa 1'000 ovras d’art

Durada 3 minutas 45 Secundas , dals 07.03.2024

Angelika Kauffmann era l'artista la pli renumada dal 18avel tschientaner. Naschida il 1741 a Cuira, ha ella emprendì dal bab da malegiar. Cun 11 onns fa la famiglia Kauffmann midada e viva a Como. Igl uffant fenomenal fascinescha l'elita europeica.

35 milliuns Euros

Durada 3 minutas 56 Secundas , dals 29.02.2024

L'anteriura chasa da Freddie Mercury en la regiun nobla da Kensington a Londra vegn vendida per radund 35 milliuns Euros.

950 reminiscenzas da Sir Elton John

Durada 4 minutas 31 Secundas , dals 22.02.2024

Il superstar fa midada dals Stadis Unids da l'America enavos en sia patria. Uschia venda el ses appartament da luxus, e tar questa chaschun datti in ingiant cun 950 regurdanzas da Sir Elton John.

9'000 tonnas rosas ord la Kenia

Durada 3 minutas 38 Secundas , dals 15.02.2024

Ier è stà il di da Son Valentin nua ch'i vegn tradiziunalmain regalà rosas. La maioritad da quellas derivan da l'exteriur, pli precis da Kenia en l'Africa. Quest onn èn var 9'000 tonnas vegnidas importadas cun aviun en Svizra per vegnir vendidas en l'Europa.

Record mundial cun «Pain au chocolat»

Durada 3 minutas 42 Secundas , dals 08.02.2024

La «BackeryBackery» da Berna ha fatg il pli grond «pain au chocolat» vegan dal mund ed è perquai en il cudesch da Guiness.

50 onns Playmobil

Durada 5 minutas 45 Secundas , dals 01.02.2024

L'indian, il lavurer da construcziun, il chavalier ed ils sets latiers han fullà via per nundumbraivlas autras figuras e termagls en stanzas d'uffants sin tut il mund. Ils dus da favrer dal 1974 ha il concern Horst Brandstätter Group en Germania lantscha ina istorgia da success: Playmobil.

La cifra: 8 papagagls grischs

Durada 4 minutas 12 Secundas , dals 25.01.2024

En in zoo englais fan 8 papagagls grischs furora. Ils animals ch'èn fitg intelligents èn numnadamain campiuns en blastemmar.

La cifra: 2 milliuns

Durada 2 minutas 11 Secundas , dals 18.01.2024

En la China è la cifra da la populaziun sa reducida per 2 milliuns.

440 milliuns

Durada 3 minutas 20 Secundas , dals 11.01.2024

Milliunaris datti blers sin il mund. Adina pli savens datti ussa era animals ch'en milliunaris. Il pli ritg animal è in chaun.

Tge far cun ils pignols?

Durada 3 minutas 44 Secundas , dals 04.01.2024

Mintg'onn vegnan en Svizra vendì radund 1,4 milliuns pignols. Mo tge far cun quels suenter ch'els han fatg lur duair?

21 milliuns liters sect

Durada 4 minutas 49 Secundas , dals 21.12.2023

Il sect vegn adina pli populars en Svizra. L'onn passà è vegnì bavì 21 milliuns liters sect. La gronda part deriva da l'Italia, da la Frantscha e da la Spagna. Sect svizzer è anc in product da nischa.

La cifra 150 onns

Durada 4 minutas 24 Secundas , dals 07.12.2023

En la Nova Zelanda haja dà per l'emprima giada dapì 150 onns pitschens kiwis en l'abitadi natiral.

142'425 glischs

Durada 3 minutas 18 Secundas , dals 30.11.2023

La chas'alva a Washington è puspè pinada per Nadal. Entaifer in'emna han 300 voluntaris e voluntarias decorà la chasa dal president american Joe Biden. E quai tranter auter cun 142'425 glischs.

46 milliuns

Durada 3 minutas 18 Secundas , dals 23.11.2023

Adina la quarta gievgia dal november vegn festivà Thanksgivig en ils Stadis Unids. A quella caschun vegnan mintg'onn mangiads circa 46 milliuns galdins.

2'000 francs

Durada 3 minutas 19 Secundas , dals 16.11.2023

Ina dunna da Turitg porscha 2'000 francs per tgi che porta enavos sia columba disparida ch'e ses animal da chasa charezzà.

Button

Ulteriurs podcasts en «Savida»

Ulteriurs podcasts en «Tips e trics»