Il hotel duess porscher plazza per quatter turists e dus astronauts professiunals, che accumpognan els. Bunamain 40 meters quadrat grond è l'Aurora Station. Ils «Space-Tourists» pon mirar mintga di sedesch giadas, sco ch'il sulegl va, leva e tramunta. Uschiglio porscha la cabina era WLAN ed ins po far part a divers tests. Els testan per exempel, co ch'ins po cultivar il meglier plantas en il cosmos.
Schon quest onn che vegn vul Orion Span cumenzar a construir l'hotel. En singuls pass transportan rachetas il material en l'orbit. Enfin che tut ils tocs èn si là, deponan els il material tar l'ISS, la staziun spaziala internaziunala. A partir dal 2022 duessan lura ir ils emprims passagiers en l'orbit.
