La WHO (World Health Organization) ha sia sedia a Genevra ed appartegn a l'Organisaziun da las Naziuns Unidas ONU. L'organisaziun mundiala promova dapi ils 7 d'avrigl 1948 la sanadad per tuts sin l'entir mund. Cumbatter malsognas contagiusas cun programs da vaccinaziun e cun il svilup da vaccins è ina da las finamiras principalas da la WHO. L'organisaziun gida en tiaras da svilup da stabilir sistems da sanadad ed è activa en la prevenziun.
Ils 7 d'avrigl, il di da la fundaziun da la WHO, è dapi blers onns er il di da la sanadad mundiala. Oz propaghescha la WHO il provediment da sanadad. Bunamain la mesadad da la populaziun mundiala n'ha betg access ad in provediment suffizient e pajabel.