Siglir tar il cuntegn

Header

audio
La capsla Mujinga.
Keystone
laschar ir. Durada: 4 minutas 23 Secundas.
cuntegn

Mujinga – la capsla da transport da l’ETH

Students da l'ETH han preschentà ina capsla da transport che duai transportar cun auta sveltezza rauba d'in lieu a l'auter.

Il fanadur pon ils students preschentar lur Mujinga ad ina concurrenza dal schef da Tesla Elon Musk a Los Angeles. Là vegnan premiadas las meglras e pli sveltas capslas per il sistem da hyperloop. In sistem che transporta rauba dad A tar B tras bischens da vacum. Tranter ils 20 participants è er la gruppa da l'ETH. Lur product è ina capsla da trais meters e mez lunghezza cun in motor d'electricitad. Per far onur a la pli sperta svizra, la sprintra Mujinga Kambundji, han els numnà lur capsla Mujinga.

Visiun da transportar svelt e pli ecologic

L'idea davos il sistem da «hyperloop» è da transportar rauba sutterran tras bischens da vacum. La visiun è d'avair in'entira rait da bischens uschia ch'ins pudess trametter in pachet via «hyperloop» da Genevra entaifer paucas minutas per exempel a Turitg. Plinavant pudess la rauba vegnir transportada sutterran e betg sin las vias.

Dapli da «Il chavazzin dal di»

Scrollar a sanestra Scrollar a dretga