Durant il matg è la schanza qua chi vegn nà dal pol aria fraida che po procurar per schelira da terren. E quella è tut autra che buna per fluras e plantinas giuvnas. Perquai spetga blera glieud enfin ch'ils sontgs da glatsch èn passads avant ch'els fan si iert.
Insumma datti diversas reglas da purs en quest connex. Uschia hai num schi saja bel da sontg Pancraz lura dettia quai bun vin. E ch'i saja vargà suenter sontg Servaz cun scheliras da notg.
Nagina cumprova meteorologica
Chi dettia durant ils dis dals sontgs da glatsch pli savens schelira da terren na sa mussa dentan betg tar las mesiraziuns che l'Uffizi federal per meteorologia e clima fa dapi il 1965 en Svizra.
Durant l'avrigl dettia regularmain scheliras, durant il mais da matg dentant pli pauc – e n'er betg enturn ils sontgs da glatsch.