Oz la sera a las 18:00 cumenza l'acziun «72 uras». Igl è la pli gronda acziun d'organisaziuns da giuventetgna en Svizra. Tranter 15'000 e 20'000 giuvenils fan part ad ella. En sur 300 projects fan els insatge per il niz public.
En Grischun datti en tut set acziuns. A Cuira ramassan ins per exempel mangiativas che fissan uschiglio idas en il rument. En Surses u a Landquart sa fatschentan ils giuvenils dal rument. L'organisaziun Giuventetgna Rumanscha rimna registraziuns da texts. Cun quellas vulan els cumplettar ina banca da datas per sviluppar assistents virtuals rumantschs (Sprachassistent). L'acziun va fin proxima dumengia a las 18:00.
