Cun «Video Killed The Radio Star» avevan ils Buggles englais commentà il grond midament dals meds musicals davent dal radio tar la televisiun, anno 1979. En quella perioda han blers artists dechantà il radio, e quai betg adina en moda nostalgica glorifitganta, mabain er crititgond magari la commerzialisaziun u la tendenza superfiziala e banala dal med.
Titels sco «Radio Ga Ga» dals Queen ubain «Shit On The Radio» da la Nelly Furtado (foto) discurran qua ina lingua detg clera. Ma a la fin datti tuttina in pèr tuns da veneraziun, per exempel là, nua ch'ils Beach Boys tardivs confessan «That's Why God Made The Radio». Il radio – quasi in med divin!