La versiun senza sgular è fitg sumeglianta a la versiun originala. Duas equipas giogan ina encunter l'autra, emprovan da far gols cun sajettar in bal tras in tschertgel. Lura datti 2 chatschadurs ch'emprovan da sajettar giu ils giugaders. Davent da la 18avla minuta vegn lura anc il snitch vitiers. Quai n'è betg sco en la versiun originala ina balla cun alas che sgola, mabain ina persuna vestgida en mellen cun ina balla da tennis en ina socca. Cura che questa balla e pigliada è il gieu a fin.
Quidditch è surtut popular en ils Stadis Unids da l'America ed en l'Australia. Dentant era en l'Europa vegn il sport pli e pli popular, quest onn è il campiunadi mundial a Florenz en l'Italia.
Quidditch
Quidditch è il sport che Harry Potter gioga cun ses amis da la scola da striuns e strias, sgulant sin scuas. Ussa pon ins era giugar quidditch sco betg-striun, a Lucerna, Turitg e Hägendorf. L'equipa naziunala svizra sa participescha schizunt al campiunadi mundial a Florenz en l'Italia.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
