Il cumpliment

Quest'emna ha Amanda Cavelti fatg in cumpliment a Natascha Cavelti, ch'ha ils ultims dus onns fatg la scolaziun da FAGE. Sper lavurar, far pensums e referats haja ella gì da s'occupar per la famiglia e per il tegnairchasa, in temp rigurus!

Faschai era part!

Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.

Audituras ed auditurs pon annunziar ad RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.