Billy Ray Cyrus: «Achy Breaky Heart»

Billy Ray Cyrus, l'actur, cumponist e chantadur american ha fatg 12 albums da studio, 44 singles ed ha vendì sur 25 milliuns albums. Surtut ina da sias chanzuns è enconuschenta sin tut il mund. Il 1992 cumpara quella sin ses disc da debut e daventa sia chanzun clav e ses pli grond success. Dapertut è quella sin las emprimas plazzas e ramassa aur e platin en blers pajais. El fa er in video e grazia a quel datti in'unda da «Line Dance», in saut da furmaziun cun musica da country. Pero betg tuts èn aderents da «Achy Breaky Heart». I dat er ina glista dals pli nauschs tocs, e là è el sin plazza 2.