Il cumpliment da quest'emna va a Nicole e Gion Collenberg da Stuls a Bravuogn. Telefonà ha la sora, Maria Vinzens da Trun. Ella engrazia en num da tut ils envidads per l'invitaziun e las super bunas tratgas e tut il bi ch'ins ha dastgà giudair l'entschatta settember ensemen cun las famiglias Collenberg ed Eberle.
Faschai er part!
Er sch'els consistan mo d'in pèr pleds, vegnan cumpliments savens a la curta. RTR rimna e surdat quests cumpliments e gida uschia da dar enavos insatge a la glieud ch'ans embellescha mintga di la vita.
Audituras ed auditurs pon annunziar a RTR lur cumpliment. Mintga gievgia decida la moderaziun tgenin che vegn resguardà. La moderatura registrescha lura in curt discurs cun la persuna che fa il cumpliment ed il venderdi telefonescha ella a la persuna che survegn il cumpliment.