Avant dus onns è vegnida construida ina punt sur il Rain Anteriur che colliescha ils vitgs da Schluein e Castrisch. Quella serva per ils peduns, savens per ir a guardar las partidas da ballape en l'arena da laina sin il territori da Schluein. Dacurt ha la punt survegnì il num Punt Crap Gries, il medem num sco l'arena. Il Crap Gries è in monolit, in grond bloc erratic che l'Uniun da giuventetgna da Schluein aveva liberà da chaglias e plantas che l'enzugliavan pli e pli. En Grischun datti bundant 60 Craps Gries da Tujetsch enfin Bravuogn, en Engiadina clamain nus quels craps pedras grossas.
Redacziun: Chasper Pult