Tips tar las tipicas lavurs d'atun
- Mo raschlar e better la feglia da las plantas sin la deponia ubain sin il cumpost sch'ins ha in pastget, uschiglio laschar ella giun plaun. Quai è bun per la natira.
- In pastget memia lung smarschescha sut la naiv sco sut la feglia, perquai segar anc ina giada avant che la naiv vegn.
- Tagliar il roser per in terz e schurmegiar el cun dascha encunter la naiv.
- Tagliar caglias e pumers pir cur che tut la feglia è crudada giu.
Tips per tegnair fluras e ragischs sur l'enviern
- Prender en ubain schurmegiar plantas exotas dal fraid avant ch'i schela (per palmas plantadas en la terra datti stgaudaments spezials).
- Tar ragischs ch'ins metta en tschaler (p. ex. da Dalias) guadar ina giada al mais sch'igl è memia bletsch ubain memia sitg. Er tar fluras sco geranis controllar ch'i n'han betg memia sitg l'enviern e prender ellas uschè svelt sco pussaivel puspè a la glisch (mars).
- Tgi che n'ha betg avunda plaz a chasa sa er dar plantas e fluras a la horticultura sur enviern.
Preparativas per la proxima stagiun da curtin
- Plantar uss fluras sco tulipanas ni narzissas.
- Plantar uss plantas, pumera e caglias.
- Marcar nua ch'ins ha plantà instge per betg chavar or quai la primavera senza vulair.
- Betg volver l'iert uss, mabain pir la primavera uschiglio vegn tut tenor lavà or tut il nutriment da la terra.
Per tut quels che na vulan betg dessister dal tuttafatg da la fluriziun durant l'atun e l'enviern, cusseglia il hortulan per exempel, da metter uss crisantemas ni callunas enturn chasa ubain sin il banc da la fanestra.
