Il november 2017 ha Mario Pacchioli preschentà REMAS – in disc cumpact cun poesias sursilvanas dal 19, 20 e 21avel tschientaner, messas dad el sez en musica. Il matg 2018 è REMAS, quest poem sinfonic vegnì dà a moda concertanta a Friburg ed a Cuira. RTR ha registrà il concert dals 25 da matg a Friburg en la Salle Equilibre.
Ils interperts: Mario Pacchioli, chant e moderaziun; Gieri Maissen, clavazin; La Chanson de Friburg e la Filharmonia da chombra dal Grischun. Dirigent: Jérôme Kuhn. L'Artg musical porta l'emprima part da quest concert ch'è stà in bel mument rumantsch amez la citad da Friburg.
(2. part: Artg musical dals 4 da november 2018)
