En l'Arabia Saudita è il schaic schiit Nimr al-Nimr vegnì executà. Quest spiritual da la minoritad schiita en l'Arabia Saudita aveva s'exprimì repetidamain cunter la chasa roiala dals Saudis. Quai per exempel a chaschun da la primavaira araba il 2011, en la quala i ha dà en blers stadis da la regiun protestas e revooltas cunter ils regents.
Ils regents da l'Arabia Saudita n'èn dentant betg vegnì stgatschads ord lur posiziun. La famiglia Al Saud sesa anc adina ferm sin lur tron. E cun tut l'ieli ord l'Arabia Saudita che vegn vendì en tut il mund ston els bain esser incrediblamain ritgs. Dapli da la famiglia roiala Al Saud oz el Il chavazzin dal di.
