L'emprima bova ch'è ida sur la nova stadaira da bovas en il chantun Valais aveva in volumen da 5'000 kilometers cubic ed ina spertadad da 5 kilometers l'ura. La nova stadaira è pli exacta che la veglia. Cun ella na pon ins betg mo mesirar las forzas mabain era la spertadad, la spessezza ed il cuntegn d'aua d'ina bova. Cun la stadaira da bovas pon ils experts da l'institut federal per la perscrutaziun da naiv e lavinas rimnar datas per chapir meglier las bovas. Las datas pon ils experts nizzegiar per far chartas da privels u per optimar ils indrizs da protecziun.
La stadaira da bovas
En l'Illgraben a Leuk el chantun Valais è la pli gronda stadaira da bovas puspè en funcziun. La stadaira exista dapi l'onn 2003. Avant dus onns era ella dentant vegnida donnegiada e perquai stada dus onns ord funcziun. Uss è ella puspè en funcziun ed ha gia tschiffa l'emprima bova.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
