Plajazan e Saloms

Ils purs che cultiveschan il terren ed ils chatschaders che observan l'entir onn la selvaschina èn excellents enconuschiders dals nums da cultira. In chatschader da Sent che va a chatscha a Tschlin e stat là en ina chamona cun ses collegas avess gugent savì la significaziun da dus nums. Forsa che Plajazan deriva dad in num da famiglia da Matsch documentà l'onn 1332 a Müstair? Saloms percunter datti era en auters lieus en Grischun, da Sumvitg sur Filisur enfin Ramosch. Tgi da nus n'ha anc mai sentì ils pleds sulom u segl che derivan tuts dus dal latin Solum che è il fund u il terren e qua tras noss contact direct cun la terra.