Da nossas varts è il project Steely Dan enconuschent surtut per ses dus megahits dals onns 70 «Do It Again» e «Rikki Don't Lose That Number». Ma en America giauda quella gruppa enturn ils auturs Donald Fagen e Walter Becker in'enorma popularitad, grazia a ses stil singular che cumbinescha en moda sofistitgada rock, pop e jazz, grazia er a ses texts poetics e criptics, chantads da la vusch nasala dal pianist Donald Fagen.
Ils ultims onns figuravan ils Steely Dan be pli sco duo, accumpagnà pel solit da corifeas dal jazz. Ils 3 da settember 2017 è Walter Becker mort, laschond Fagen – ch'ha gist cumplenì ses 70avel anniversari – sco unic purtader dal num.