Avant 200 onns han ils frars Grimm edì ina da las pli enconuschentas paraulas dal mund, quella dals musicants da la citad da Brema. L'asen, il chaun, il giat ed il cot èn vegls e ston scappar da lur patruns. Cun spiert ed intelligenza vegnan els da stgatschar rubadurs dad ina tegia, els survivan.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Ils musicants da Brema èn enconuschent sin l'entir mund. 40 milliuns visitaders e visitadras van mintga onn a Brema per sa laschar fotografar cun la statua dals musicants e per tutgar ils pes da l'asen, quai duess purtar cletg. L'emprim sboz da la statua era mo da 3 animals, Gerhard Marcks aveva emblidà il giat.
I dat statuas dals musicants da la citad da Brema a Lettonia ed en il Giapun, ina seria da films animads russa ed ils animals han forsa schizunt in connex cun la Sphinx en l'Egipta.
