Tuts dus èn fieu e flomma per las orglas, la regina dals instruments. Ella, che tuna sco in entir orchester, ma che sa era tunar dultsch e fin. Ozendi vegn ella dentant savens mez emblidada en ina baselgia vida e fraida. Ma per ils dus protagonists da la «Marella» stat lorgla en il center. Nus accumpagnain Arno Caluori durant ina revisiun da l'orgla da la chaplutta Sogn Gudegn a Vignogn e suandain Gian Andrea Caratsch ad Engelberg nua ch'el po sunar la pli gronda orgla da la Svizra.
La «Marella» maina l'auditura e l'auditur en l'intern da las orglas, lascha udir davos las fiffas ed en lintern da quai che fa che Arno Caluori e Gian Andrea Caratsch vivan ina vita per l'orgla.
Repetiziun dal november 2020. Durant la stad preschenta la «Marella» era quest onn inquala perla radiofonica ord noss archiv.
La «Marella» maina l'auditura e l'auditur en l'intern da las orglas, lascha udir davos las fiffas ed en lintern da quai che fa che Arno Caluori e Gian Andrea Caratsch vivan ina vita per l'orgla.
Repetiziun dal november 2020. Durant la stad preschenta la «Marella» era quest onn inquala perla radiofonica ord noss archiv.
