Siglir tar il cuntegn

Header

audio
Plachetta en memoria da Dietrich Bonhoeffer vi da la baselgia St. Matthaeus a Berlin.
KEYSTONE
laschar ir. Durada: 30 minutas 27 Secundas.
cuntegn

Il forum cun Clau Lombriser

Dietrich Bonhoeffer, martir (1906-1945)

Download

Ils 9 d'avrigl vegni 70 onns ch'il preditgant Dietrich Bonhoeffer è vegnì pendì e lura brischà en il camp da concentraziun da Flossenbürg en Germania, quai mo gist trais emnas avant la fin da la segunda guerra mundiala. Ses relasch spiritual il pli enconuschent è la chanzun «Von guten Mächten wunderbar geborgen». Bonhoeffer ha stuì murir perquai ch'el ha conspirà e cumplottà encunter Hitler. El, il teolog luteran, ha dentant era mess pals en las rodas a sia atgna baselgia, tschorventada da l'ideologia naziunalsocialistica. Bonhoeffer - in erox? in martir? in pietist? in sontg? El di ch'el haja simplamain fatg ses duer da burgais e dà perditga sco cristifidaivel. E lura, cun 36 onns e sin l'aut da la guerra, s'inamurescha Dietrich Bonhoeffer ... Dapli dad el e da sia spusa Maria von Wedemeyer relata il Forum da la dumengia da Pasca.
Redacziun: Clau Lombriser

Dapli da «Il forum»