Tge auto cumprar per vender el bain pli tard?

Probabel sa fatschentan mo paucs cun questas dumondas. La gronda part da la populaziun cumpra in auto, perquai ch'el plascha. Mo Daniel Friberg, il schef da l'interpresa Auto Friberg, po tuttina dar intgins tips.

Tge auto cumprar per vender el puspè per in bun pretsch?

1. In auto cun fin dus liters vendan ins pli tgunsch.
2. Bun è era in auto che baiva pauc ed ha 4 x 4.
3. El duess era avair tschertas apparaturas internas, saja quai per telefonar ubain per la musica. E dumandads èn era sensurs da parcar ed il stgaudament per ils sezs.
4. Marcas franzosas d'autos ubain per exempel era Opel u Ford, èn strusch tschertgadas.
5. Ed era colurs sco verd, oransch e blau n'èn savens betg las colurs preferidas dals automobilists.


Cura èsi il dretg mument per vender l'auto?

1. Sche l'auto ha var 100'000 kilometers, duess ins vender el, sch'ins vul anc survegnir in bun pretsch persuenter.
2. In avantatg po esser da guardar, cura ch'in model nov vegn sin fiera. Alura sa reduceschan ils pretschs, mo ins sto tuttina spetgar fin ch'ins po cumprar el.
3. A la dumonda da laschar far in service avant che vender l'auto, di il spezialist che quai na fetschia betg senn. Impurtant saja da resguardar ils intervals da far service.
4. E tgi che s'interessescha tge valita che ses auto ha, po far quai tar Eurotax.