Sumvitg e ses nums

Questa stad èn blers per via e profiteschan dad enconuscher valladas pauc enconuschentas en Grischun. Cun far spassegiadas giudain nus la cuntrada, ma forsa ans interessan er ils nums locals che nus entupain. Tge far, sche nus vulessan savair dapli da lur derivanza e muntada?

Per bleras vischnancas datti oz cudeschs ch'emprovan da declerar ils toponims. Paul Mathias Cathomas ha ramassà passa 1'800 nums sin il territori da Sumvitg, da l'Aua dil Gediu enfin la Zieghelhetta, cun interpretaziuns interessantas.