Il «Damenchor Chursüd» (dir. Martina Hug) ed il chor da dunnas «femmes vocales Dresden» (dir. Sylke Zimpel) han concertà il matg 2015 a Cuira. Las duas furmaziuns han interpretà sulettas ed ensemen chants tradiziunals da diversas terras e cumposiziuns da Gion A. Derungs ed A. Ducret.
Il coc dal concert è stà ina primaudiziun cun il titel: Üna föglia da coller, trais poesias da Luisa Famos (1930-1974) messas en musica da la dirigenta da Dresden Sylke Zimpel (Plövgia-Sunasoncha-Üna föglia da coller). RTR ha registrà quest inscunter intercultural e l'Artg musical porta parts londeror.
Redacziun: Giusep G. Decurtins
