Tar ina famiglia da tschintg persunas che fa il bambin secret, datti pia be tschintg regals sut il pignol da Nadal – e betg in'entira massa. La tensiun sa stenda anc pli, cunquai ch'ins na sa betg da tgi ch'ins survegn in regal ed a tgi ch'ils auters confamigliars han da regalar.
Per trair la sort sto dentant l'entira famiglia sa radunar. Grad avant Nadal è quai per bleras famiglias cumplitgà. Agid porschan apps da bambin secret. Suenter l'installaziun da l'app san ins inditgar las infurmaziuns, per il solit tanschan ils nums e las adressas dad e-mail da tut ils participants. L'app trai la sort ed attribuescha a mintga participant in bambin secret. Per e-mail u sms retschaivan ils participants il num da la persuna a la quala els ston far in regal.
La «Wichtel App» per I-Phones, sco era la «Wichtel App – Engerl Bengerl» èn fitg simplas e nuncumplitgadas. Dapli funcziuns ha il servetsch online «Wichtel-O-Mat». Lez servetsch dat la pussaivladad dad agiuntar glistas da giavischs.