Il 1992 è vegnida fundada en Surselva la Brass Band Sursilvana. L'onn passà ha quella formaziun d'auta qualitad musicala midà il num en Graubünden Brass e quest onn ha ella celebrà ses anniversari da 30 onns cun in concert tut spezial. «Brass&Light» ... musica d'emprima qualitad inscenada cun impressiuns da glisch spectacularas.
L'instrumentala porta il concert dal prim d'october 2022 en la Stadthalle a Cuira. Da quel ha RTR er fatg videos ch'ins po guardar sin rtr.ch/musica, sin Play RTR u er sin il chanal youtube da RTR.
