Siglir tar il cuntegn

Header

audio
Dapi questa stagiun èsi scrit «Bus da sport» sin l'auto da posta che cursescha a Savognin.
RTR, Federico Belotti
laschar ir. Durada: 3 minutas 2 Secundas.
cuntegn

Bunas novas per il rumantsch en il Surses

Diversas fermadas da l'Auto da posta en il Surses ch'avevan enfin ussa nums tudestgs, èn vegnidas midadas en rumantsch. Uschia hai ussa per exempel betg pli num «Riom Abzweigung», mabain «Riom Spartaveias». E «Marmorera Staudamm» ha ussa il num dubel «Marmorera rampar/Staudamm».

Questas midadas èn vegnidas fatgas sin iniziativa da l'Uniun Rumantscha Grischun Central URGC, declera Zegna Pittet-Dosch, la presidenta da l'uniun. Ella ha dentant gì dad ir la via uffiziala sur la vischnanca e l'Uffizi da traffic public federal. En tut han 10 staziuns survegnì novs nums en rumantsch. E sin il «Sportbus» da Savognin è ussa da nov da leger «Bus da sport», ed era il curs dals scolars è ussa inscrit en rumantsch. Sco proxim vul l'URGC guardar schigl è pussaivel era en la Val Schons da far midadas.

Dapli da «Total local»

Scrollar a sanestra Scrollar a dretga