Ina da sias emprimas campagnas è stada en il Grischun: El ha protegì la cuntrada dals lais da Surlej dad ina surbajegiada. Dapi lura ha el tranter auter anc protegì la riva dal lai da Sempach d'ina autostrada, dentant er protegì Delphi dad ina fabrica d'aluminium ubain Asolo, ina pitschna citad en l'Italia d'in cumplex da hotel. E sia Fondation Franz Weber, che vegn entant manada da sia figlia Vera, cumbatta er enavant per animals, per cuntradas ubain per monuments. Campagnas currentas èn da quellas cunter il cumbat cun taurs (Stierkampf) ubain campagnas per impedir la chatscha suenter ivur. Dentant er en Svizra è la fundaziun anc adina activa, ella less schurmegiar il terren da surbajegiadas.
Franz Weber
Franz Weber è probablamain il pli enconuschent protectur da l'ambient da la Svizra. Tranter auter ha el accumpagnà l'iniziativa da segundas abitaziuns. Oz festivescha el 90 onns. El viva cun demenza en ina residenza per seniors.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
