La latgaria a Malögia che è al medem mument la stizun dal vitg sto tschertgar in nov fittadin. Ina lezia difficila per la cooperativa, la quala tutga la stizun.
La fittadina actuala, Durietta Buzzetti, ha manà 8 onns la latgaria ussa ha ella avunda. A gira adina pli pauc e las perspectivas economicas per Malögia sajan tenor ella difficilas uschè ch'ella a decidì da dar si la stizun.
La cooperativa sto fin la fin da quest onn chattar insatgi che vul manar vinavant la latgaria cun la stizun. Dar si quai na vulan els betg. En il mender cas manass la cooperaziun la gestiun fin ch'ins ha chatta insatgi.
«Investir na fa al mument betg senn»
Investir en la latgaria, engrondir tut era avant 15 onns en discussiun, in project era schon sin maisa. Quest è alura vegnì sbitta da la maioritad dals commembers da la cooperativa latgaria Bregaglia. Urs Schmid appartegna a la cooperativa ed è responsabel per la latgaria.
Sch'el mira uss enavos vess ins stuì investir, uss na fa quai betg senn. Pli impurtant saja d'investir èn la producziun dals products. Per la stizun ston els emprim chattar insatgi che ha gust da manar vinavant ella.
