Brad Roberts, il chantadur da la gruppa canadaisa «Crash Test Dummies», è enconuschent pervia da sia vusch marcanta. Ensemen cun amis da Winnipeg ha el fundà il 1989 la band.
Mo perquai che Brad Roberts, che ha studegià istorgia englaisa e filosofia, ha scrit da gliez temp vi da sia dissertaziun, han els pir l'onn 1991 pudì registrar lur emprim album. Quel ha cuntanschì immediat l'emprim plaz en las paradas da hits canadaisas.
Propi enconuschent èn els dentant daventads cun lur segund album «God Shuffled His Feet» che cuntegn il hit «Mmm mmm mmm mmm».
