Per celebrar l'onn nov dattan ils Wiener Philharmoniker gia dapi passa 80 onns lur "Neujahrskonzert" tradiziunal. Quest onn vulain era nus laschar resunar in tal concert. Quel sa deditgescha dal tut a la musica da la famiglia Strauss, il bab Johann e ses trais figls Johann, Josef ed Eduard. La dinastia Strauss ha pregnà fitg la musica en l'Austria, en spezial era cun lur cumposiziuns da valsers, polcas, marschs e galops. Ina schelta da lur cumposiziuns datti en l'emprim Artg musical dal 2024.
In bun onn nov.
