Siglir tar il cuntegn

Header

audio
Purtret d'ina baselgia vida
Emmanuel Appiah, unsplash
laschar ir. Durada: 58 minutas 33 Secundas.
cuntegn

Co vegn la Baselgia catolica ad esser en 100 onns?

Sch'ins dumonda, co ch'ins viva e lavura probablamain en 100 onns en il Grischun, lura ston ins era sa far la dumonda davart il futur da la religiun. En tge direcziun pudess la pli gronda cuminanza religiusa sa mover?

En il rom da la seria «Il Grischun en 100 onns» da RTR ha «Vita e cretta» fatg dumondas en connex cun l'avegnir da la Baselgia refurmada avant intgin temp. Respundì han Anja Felix, preditganta refurmada che viva a Sagogn, e Michel Müller, president dal Cussegl-baselgia dals refurmads en il chantun Turitg. El sa fatschenta dapi onns cun l'avegnir da la Baselgia refurmada.

Oz examinain nus l'autra gronda baselgia cristiana, la Baselgia catolica. Quai faschain nus cun Marcel Köhle, teolog e pedagog, che abitescha a Glion e lavura sco scolast primar a Sursaissa. El fa ina u l'autra ipotesa ed exprima ses giavischs persunals. Giavischs, co la Baselgia catolica duai sa transfurmar, ed en tge direcziun ch'ella pudess sa mover en l'avegnir.

Er en vista a la digren da commembers e commembras cuntinuanta da la Baselgia catolica saja quai numnadamain impurtant d'adina puspè analisar, metter en dumonda e da dar in sguard en il futur. Da quella ed autras persvasiuns raquinta Marcel Köhle en Vita e cretta.

Dapli da «Vita e cretta»

Scrollar a sanestra Scrollar a dretga