Siglir tar il cuntegn

Header

audio
Keystone
laschar ir. Durada: 4 minutas 51 Secundas.
cuntegn

Apps da tracking

Ellas èn bunas per registrar las rutas ch'ins va, nua ch'ins è e quant svelt ch'ins ha fatg in traject. Saja quai per currer u ir cun velo u er per marcar bels lieus da campar. Ma, quellas apps han era dischavantatgs.

Cun l'applicaziun Strava, per ir cun velo per exempel, pon ins nudar il traject ch'ins ha fatg en tge temp e lura er sa miserar cun autra glieud che va il medem traject. Uschai pon ins era nudar vias per autra glieud che drovan inspiraziun per savair nua ir tras.

Dentant n'è quai betg adina d'avantatg. Tuttenina è numnadamain forsa in traject ch'era fin là secret, visibel sin ina app ed i ha lura dapli glieud en quest lieu. Tier l'app per campers èsi per exempel er pussaivel da nudar blers lieus da campar, senza dumandar per lubientscha ils possessurs da quest territori. Quai po chaschunar problems er cun las autoritads.

Cun Strava hai era gia dà accident, damai ch'intginas persunas han vulì far concurrenza cun velo dad ina via da viandar giuadora ed uschia hai dà accident. Perquai vala tar apps cun la funcziun da tracking adina da far attenziun per tge e per tgi ch'ins noda ils viadis u ils lieus. Mintgaton duess in lieu secret numnadamain era restar secret.

Dapli da «Il Digitip - il tip digital»

Scrollar a sanestra Scrollar a dretga