La lescha perscriva sulettamain ch'il mastergner dastga metter a quint ses entir temp da lavur. Quant aut ch'ils custs per il viadi dastgan esser, n'è betg reglementà. Blers interprendiders quintian summas da pauschala, auters reduceschian il tarif da l'ura ed anc ina giada auters quintian il tarif da l'ura cumplain, declera l'experta da dretg, Gabriela Baumgartner. Sch'il viadi è pli lung sa quai tut tenor vegnir char.
Discutar il pretsch avant che dar l' incumbensa
Per evitar ch'ils custs da viadi daventian pli auts ch'il rest dal quint cusseglia l'experta da plidentar l'interprendider avant ch'ins surdat l'incumbensa. Lura sanins numnadamain anc discutar il pretsch cun il mastergner. Tut tenor situaziun savess ins fixar ina pauschala u in tarif da l'ura ch'è simplamain reducì. Sche la reparatura na saja betg gist urgenta sappian ins er dumandar il mastergner sch'el haja en il proxim temp uschia ni uschia da far incumbensas en il conturn. En quest cass savessan ils clients er repartir ils custs da viadi
